|
[6.hyperbato]
|
|
|
     |
|
DE HYPERBATO ET EIUS PARTIBUS Hyperbasis siue hyperbaton est uerbi transgressio et ordo perturbatus praeter grammatices rationem. Anastrophe est dictionum praeposterus ordo, ut mecum, tecum, secum, quibus de rebus interest mea adigere arbitrum pro agere ad arbitrum. Cicero in Topicis. Tmesis, id est sectio, quando composita uel coniuncta dictio diuiditur, ut Septemque triones, maximo te orabat opere Horatius: Quo me cunque rapit tempestas deferor hospes Virgilius: Nascere, praeque diem ueniens age, Lucifer, almum. Parenthesis est sensus sermoni, antequam absoluatur, interiectus Virgilius: Tityre, dum redeo, breuis est uita, pasce capellas. Synchysis est ordo dictionum confusior, ut Quinquaginta ubi erant centum inde occidit Achilles ordo est: Ubi erant centum, inde occidit quinquaginta. Multus in hac figura est Horatius, ut in Arte: Qui uariare cupit rem prodigaliter unam, Delphinum siluis appingit, id est: Delphinum siluis appingit prodigaliter ibidem: Chorusque turpiter obticuit sublato iure nocendi ordo est: Et chorus obticuit, sublato iure nocendi turpiter haec ex Porphyrione idem Horatius: Et male laxus in pede calceus haeret, pro male haeret idem, in Odis: Inultus ut flebo puer? idem, 1 Serm.: Ubi sedulus hospes pene macros arsit dum turdos uersat in igne idem: Saepe uelut qui currebat fugiens hostem, id est: Currebat uelut fugiens hostem et Sat. 1: At hunc liberta securi diuisit medium, fortissima Tyndaridarum ordo: Liberta fortissima diuisit hunc medium securi Tyndaridarum quem locum ego nostris temporibus ex Sophoclis Electra primus animaduerti et Sat. 4: Ac ueluti te Iudaei cogemus in hanc concedere turbam, id est: Cogemus te ueluti iudaei, scilicet cogunt. Anacoluthon, id est inconsequens, proxime accedit ad soloecismum, sed magis rhetorum est. Terentius, Eun.: Cur ego in his te conspicor regionibus? Th.: vobis fretus Cicero, pro Mur.: Praetor interea, ne pulchrum se ac beatum putaret atque aliquid ipse sua sponte loqueretur, ei quoque carmen compositum est Terentius, Hec.: Nam omnes nos, quibus est alicunde aliquis obiectus labos, omne quod est interea tempus, priusquam id rescitum est, lucro est. Donatus hic aliquid deesse affirmat mihi uidetur deesse κατὰ, id est circa. |
|
Copyright(c) de la versió n electró nica 2004 Carlos Cabanillas. ExtremaduraClásica.com . |
