Non omnis moriar
HomeListado tópicosEjemplosAñadir tópicoBuzón

 

 

  Agradecemos a Óscar Ramos el envío de estos textos.

 

Ejemplos

 

  Este tópico hace referencia a la inmortalidad que el autor espera lograr gracias a su obra.

 

Exegi monumentum aere perennius
regalique situ pyramidum altius,
quod non imber edax, non Aquilo inpotens
possit diruere aut innumerabilis
annorum series et fuga temporum.                            5
Non omnis moriar multaque pars mei
uitabit Libitinam usque ego postera
crescam laude recens, dum Capitolium
scandet cum tacita uirgine pontifex.
Dicar, qua uiolens obstrepit Aufidus                            10
et qua pauper aquae Daunus agrestium
regnauit populorum, ex humili potens
princeps Aeolium carmen ad Italos
deduxisse modos. Sume superbiam
quaesitam meritis et mihi Delphica                            15
lauro cinge uolens, Melpomene, comam.

 

Q. Horati Flacci  Carmina, III, 30

 

  Iamque opus exegi, quod nec Iovis ira nec ignis
nec poterit ferrum nec edax abolere vetustas.
cum volet, illa dies, quae nil nisi corporis huius
ius habet, incerti spatium mihi finiat aevi:
parte tamen meliore mei super alta perennis                            875
astra ferar, nomenque erit indelebile nostrum,
quaque patet domitis Romana potentia terris,
ore legar populi, perque omnia saecula fama,
siquid habent veri vatum praesagia, vivam.

 

P. Ovidi Nasonis  Metamorphosen XV

 

ExtremaduraClásica.com
carlos.cabanillas@edu.juntaextremadura.net